Sports Award: भारतीय क्रिकेट नियामक मंडळाने (बीसीसीआय) भारतीय वेगवान गोलंदाज मोहम्मद शमीचे नाव अर्जुन पुरस्कारासाठी पाठवले आहे. विश्वचषकातील चमकदार कामगिरीनंतर या वेगवान गोलंदाजाच्या नावाची शिफारस करण्यात आली आहे. शमीने या स्पर्धेत सात सामन्यांत सर्वाधिक २४ विकेट्स घेतल्या. सात्विकसाईराज रँकीरेड्डी आणि चिराग शेट्टी या पुरुष दुहेरी बॅडमिंटन जोडीची मेजर ध्यानचंद खेलरत्न पुरस्कारासाठी निवड करण्यात आली आहे.

मंत्रालयाच्या सूत्रांनी दिलेल्या माहितीनुसार, बीसीसीआयने क्रीडा मंत्रालयाला शमीचे नाव समाविष्ट करण्याची विशेष विनंती केली होती कारण मूळतः त्याचे नाव देशातील दुसऱ्या क्रमांकाच्या क्रीडा सन्मानाच्या यादीत नव्हते. ३३ वर्षीय शमीने एकदिवसीय विश्वचषक स्पर्धेत चमकदार कामगिरी केली होती, जिथे अंतिम फेरीत ऑस्ट्रेलियाकडून पराभूत झाल्यानंतर भारत दुसऱ्या स्थानावर होता. शमी पहिल्या चार सामन्यांत खेळू शकला नाही. यानंतर संधी मिळताच त्याने जबरदस्त कामगिरी केली. त्याने ५.२६च्या सरासरीने विकेट्स घेतल्या.

हेही वाचा: KL Rahul: टीम इंडियात के.एल. राहुल नव्या भूमिकेत दिसणार, आयपीएलमध्येही मोठा बदल होऊ शकतो का? जाणून घ्या

अर्जुन पुरस्कारासाठी १७ खेळाडूंच्या नावांची शिफारस